Slideshow

ორგანული ნივთიერებები

ადამიანის ორგანიზმი მრავალ ქიმიურ ელემენტს შეიცავს, რომლებსაც სხვადასხვა დანიშნულება აქვთ და მნიშვნელოვნად განსაზღვრავენ ჩვენს ჯანმრთელობას. ეს ის ძირითადი ნივთიერებებია, რომლებსაც ყველა ჯანმრთელი ადამიანი რეგულარულად უნდა ღებულობდეს. გვერდით მითითებულია პროდუქტები, რომლებშიც ისინი მნიშვნელოვანი რაოდენობით გვხვდება.

კალციუმი – რძის პროდუქტი (განსაკუთრებით ყველი),  ქაშაყი (ე.წ. სილიოტკა), ნუში, ლეღვის ჩირი, გარგრის ჩირი, ქლიავის ჩირი, ფორთოხალი, თუთა, კივი, ბოლოკი, უმი ისპანახი, მზეზე გამომშრალი პომიდორი.

ნუში

იოდი  – რძის პროდუქტი, კარტოფილი, ქლიავის ჩირი, მარწყვი, მოცვი, მწვანე ლობიო, ისპანახი, ნიორი.
რკინა -  მოხარშული ღვიძლი, ხამანწკები, ხიზილალა, გოგრის გული, მზესუმზირის თესლი, გარგარი, მზეზე გამომშრალი პომიდორი, შოკოლადი, კაკაო.
სპილენძი  – მოხარშული ღვიძლი, ხამანწკები, სოკო ,ბოლოკი, მზეზე გამომშრალი პომიდორი, ვაზის ფოთლები, გოგრის გული, თხილი, მზესუმზირის თესლი, შოკოლადი, კაკაო.
კალიუმი -  წითელი წიწაკა, თევზეული, ლობიო, გარგრის ჩირი, ქლიავის ჩირი, ლეღვის ჩირი, ქიშმიში, გოგრის გული, გარგარი, ფორთოხალი, ბანანი, ქოქოსი, ავოკადო.

ახალი გარგარი

მაგნიუმი - ბრინჯი, ხორბალი, შვრია, გოგრის გული, მზესუმზირის თესლი, თხილი, ნუში, შავი შოკოლადი, კაკაო, შავი ბადაგი.
მანგანუმი – ბრინჯი, შვრია, ზაფრანა, ხამანწკი, გოგრის გული, მზესუმზირის თესლი, კაკალი, შავი შოკოლადი, კაკაო.
თუთია –  მოხარშული ღვიძლი, მჭლე ძროხის ხორცი, ცხვრის ხორცი, ხამანწკი, კომბოსტო, მწვანე მუხუდო, მზეზე გამომშრალი პომიდორი, გოგრის გული, მიწის თხილი, გარგრის ჩირი, ქლიავის ჩირი, ატმის ჩირი, ლეღვის ჩირი, ქიშმიში, მაყვალი, ჟოლო, ავოკადო, შავი შოკოლადი, კაკაო.
სელენი - თევზეული, ზღვის პროდუქტი (კიბორჩხალა, ხამანწკი, ხიზილალა…), ღორის ხორცი, ხორბალი, ბრინჯი, შვრია, თხილი, მზესუმზირის თესლი.
ფოსფორი –  ბრინჯი, შვრია, შებოლილი ხორცი, ყველი, თხილი, გოგრის გული, მზესუმზირის თესლი.

ვიტამინები 



საჭირო ვიტამინების გარეშე ადამიანის ჯანმრთელობაზე ლაპარაკიც ზედმეტია. იმისთვის, რომ ადამიანის ორგანიზმმა სრულყოფილად იფუნქციონიროს, დიდი რაოდენობით ვიტამინებია საჭირო. ქვემოთ ნახავთ, რა ვიტამინებს უნდა ვღებულობდეთ სისტემატურად და რომელ პროდუქტებში მოიპოვება ისინი დიდი რაოდენობით.
ვიტამინი A –  A ვიტამინს ყველაზე დიდი რაოდენობით სტაფილო შეიცავს. ასევე მდიდარია ისპანახი, გარგრის ჩირი, რძე, კვერცხის გული.

ასევე მნიშვნელოვანი რაოდენობით A ვიტამინს შეიცავს კომბოსტო, მუხუდო, წითელი წიწაკა, გოგრა. თითქმის ყველა ხილი შეიცავს A ვიტამინს, მაგრამ გარგარი ყველაზე მეტად. ასევე ძალიან მდიდარია ნესვი.
ვიტამინი B1 – B1 ვიტამინით მდიდარია მწვანილი, მზესუმზირის თესლი, თევზეული, ღორის ხორცი, თხილი, კაკალი.
ვიტამინი B3 – ამ ვიტამინს დიდი რაოდენობით შეიცავს ბრინჯი, ხორბალი, მიწის თხილი, თევზეული, მოხარშული ღვიძლი, ხბოს ხორცი, ქათმის ხორცი, შებოლილი ხორცი, წითელი წიწაკა, მზეზე გამომშრალი პომიდორი.
ვიტამინი B12 -  ვიტამინი B12-ით მდიდარია ზღვის პროდუქტი (ხამანწკები, ხიზილალა, თევზეული). ასევე მოხარშული ღვიძლი, ძროხის ხორცი, ცხვრის ხორცი, ყველი, კვერცხი. ცნობილია, რომ B12 ვიტამინს ანადგურებს E220 ემულგატორი (კვებითი დანამატი), ამიტომ მოერიდეთ ისეთ პროდუქტს, რომელიც შეიცავს E220-ს.
ვიტამინი C  – ბოსტნეულიდან C ვიტამინით მდიდარია ბულგარული წიწაკა, მწვანე და წითელი წიწაკა, ყვავილოვანი კომბოსტო.

ხილიდან მარწყვი, მაყვალი, კივი, ლიმონი, ფორთოხალი. C ვიტამინით სხვა ბევრი ხილი და ბოსტნეულია მდიდარი: კომბოსტო, წიწმატი, ბოლოკი, ატამი, ალუბალი, ბანანი, ანანასი.
ვიტამინი D  – რძის პროდუქტები D ვიტამინის საბადოა. ასევე ზღვის პროდუქტი (ხამანწკი, ხიზილალა, თევზეული). ამას გარდა, D ვიტამინს მნიშვნელოვანი რაოდენობით შეიცავს სოკო, კვერცხი და ზოგიერთი ძეხვეული.
ვიტამინი E  – E ვიტამინით მდიდარია  წითელი წიწაკა, მზესუმზირის თესლი, ნუში, მიწის თხილი, გარგრის ჩირი, ზეთისხილი, ისპანახი.
ვიტამინი K  – ვიტამინი K ყველაზე დიდი რაოდენობით ბოსტნეულში გვხვდება. ასეთებია: მწვანე ხახვი, კომბოსტო, წითელი წიწაკა, ბროკოლი, კიტრის მწნილი.


ცილები


ცილები, ანუ პროტეინები ადამიანის ორგანიზმის ბუნებრივი ორგანული ნაერთებია. ამ ქიმიურ კომპონენტებს მრავალი ბიოლოგიური დანიშნულება აქვთ და ჯანმრთელი ორგანიზმისთვის მათი ზომიერი რაოდენობაა საჭირო. ცილებს მრავალი პროდუქტი შეიცავს. მათ შორისაა თითქმის ყველა შინაური ცხოველისა და ფრინველის ხორცი, თევზეული, კვერცხი, ყველი. ცილებს ასევე შეიცავს მიწის თხილი და გოგრის გული. ცილებით მდიდარია ბოსტნეულიც. მათ შორისაა ლობიო, მუხუდო, ხახვი, ისპანახი, ოხრახუში, პრასი, ყვავილოვანი კომბოსტო, სტაფილო, მზეზე გამომშრალი პომიდორი.
ცილებით მდიდარ ხილს მიეკუთვნება: თუთა, მოცხარი, მაყვალი. ასევე გარგრისა და ქლიავის ჩირი, ქიშმიში, ვაზის ფოთლები, თეთრი სოკო.


გარგრის ჩირი



























წყარო: http://ucnauri.com/201436/%E1%83%A1%E1%83%AC%E1%83%9D%E1%83%A0%E1%83%98-%E1%83%99%E1%83%95%E1%83%94%E1%83%91%E1%83%90/

არაჯანსაღი საკვები

„ცარიელი კალორიები“ არის არაოფიციალური სახელწოდება ისეთი საკვების , რომელთაც აქვთ ძალიან ბევრი კალორიები, მაგრამ არ შეიცავენ ან ძალიან მცირე რაოდენობით შეიცავენ ორგანიზმისთვის აუცილებელ სასარგებლო ნივთიერებებს. უფრო მეტიც, ასეთი საკვები შედგება ისეთი ინგრედიენტებისგან, რომლებიც არიან ჯანმრთელობისთვის საზიანო, როცა მათ მოიხმარენ რეგულარულად. არაჯანსაღი საკვები, არის ძირითადად მზა პროდუქტები, რომლებიც უმეტესად შედგება ნაჯერი ცხიმოვანი მჟავებისგან, მარილისგან ან შაქრისგან და როგრც წესი, არ შეიცავენ ვიტამინებს, ცილებს და ორგანიზმისთვის აუცილებელ მიკრო და მაკრო ელემენტებს. ტიპიურ არაჯანსაღ საკვებს მიეკუთვნება ჩიფსები, ტკბილეული, საღეჭი რეზინი, სწრაფი კვების პროდუქტები, მრავალფროვანი არაალკოჰოლური სასმელები (კოკა-კოლა, პეპსი-კოლა და სხვა ), ბავშვებისთვის განკუთვნილი Froot Loops, ჯუსი ფრუტი სხვა. ასეთ პროდუქტებს ასევე ეძახიან “ნაგავ საჭმელს” ( ინგ. junk food ), თუმცა ეს სახელწოდება თავდაპირველად გამოიყენებოდა არა ხარისხის აღსანიშნავად ასეთი პროდუქტების, არამედ მათმა მასობრივმა მოხმარებამ გამოიწვია ძალიან დიდი ტერიტორიების დანაგვიანება, რადგან ბევრი ასეთი პროდუქტი შეფუთულია სპეციალურ პოლიეთილენის პარკებში, რომლებიც ძალიან ნელა იშლებიან. მსგავსი პროდუქტების წარმოება ხდება მრავალი ფორმით და აგრესიულად ხდება მათი რეკლამირება. ის წარმოებისთვის მომგებიანია, რადგან მისი წამოება იაფი ჯდება და დიდხანს ინახება ჩვეულებრივ პირობებში. ასეთი პროდუქტები პოპულარულია მომხმარებლებს შორისაც, რადგან მათ აქვთ მკაფიო გემო, მათ არ სჭირდებათ მომზადება და შეიძლება ნებისმიერ ადგილას ჭამა.

 გავლენა ჯანმრთელობაზე 

პოლ ჯონსონისა და პოლ კენის მიერ ჩატარებული კვლევამ აჩვენა, რომ ასეთი საკვები ტვინზე მოქმედებდა როგორც ნარკოტიკები, რომლებიც მიჩვევას იწვევენ. რამოდენიმე კვირა თაგვების არაჯანსაღი პროდუქტებით კვების შემდეგ, თაგვების ტვინში არსებული სიამოვნების ცენტრი ნაკლებად მგრძნობიარე ხდებოდა და უფრო მეტი საკვები სჭირდებოდა იმისათვის რომ სიამოვნება მიეღო. შემდეგ ეს თაგევბი გადაიყვანეს ჯანსაღ საკვებზე, თუმცა თაგვებმა ორი კვირა იშიმშილეს, იმის მაგივრად რომ ეჭამათ ის. 2007 წელ ს სამეცნიერო ჟურნალ British Journal of Nutrition გამოქვეყნდა კვლეევა, სადაც საუბარი იყო რომ, დედები, რომლებიც იკვებებოდნენ ე.წ junk food-ით ორსულობის დროს, ეზრდებოდათ ალბათობა, რომ მათ შვილებს ექნებოდათ არაჯანსაღი პროდუქტების ჭამის ჩვევა და უფრო გაზრდილი ალბათობა სიმსუქნისკენ მიდრეკილების. ბევრი მკვლევარი ასევე აკავშირებს ერთმანეთთან ცარიელი კალორიების მიღებას -სიმსუქნესთან, გულსისხლძარღვთა დაავადებებთან, შაქრიან დიაბეტთან და კარიესთან.

წყარო: http://kaloriebi.wordpress.com/2011/07/24/%E1%83%AA%E1%83%90%E1%83%A0%E1%83%98%E1%83%94%E1%83%9A%E1%83%98-%E1%83%99%E1%83%90%E1%83%9A%E1%83%9D%E1%83%A0%E1%83%98%E1%83%94%E1%83%91%E1%83%98-%E1%83%90%E1%83%A0%E1%83%90%E1%83%AF%E1%83%90/

სწორი კვების ძირითადი პრინციპები

სწორი კვება – ადამიანის ჯანმრთელობის საფუძველია. საკვები, რომელსაც ჩვენ ვიღებთ, ხელს უწყობს ორგანიზმის ქსოვილებისა და უჯრედების როგორც განვითარებას, ასევე მათ სისტემატურ განახლებას. საკვები წარმოადგენს ენერგიის წყაროს, რომელსაც ჩვენი ორგანიზმი ხარჯავს არა მარტო ფიზიკური დატვირთვისას, არამედ დასვენების დროსაც.

კვების პროდუქტები – ეს არის იმ ნივთიერებათა წყარო, რომლიდანაც სინთეზირდება ფერმენტები, ჰორმონები და მიმოცვლითი პროცესების რეგულატორები. ნივთიერებათა ცვლა, რომელიც ადამიანის ორგანიზმის სიცოცხლისუნარიანობის საფუძველია, პირდაპირ არის დამოკიდებული კვების ხასიათზე.

კვება უზრუნველყოფს ორგანიზმის ყველა სასიცოცხლოდ მნიშვნელოვანი ფუნქციის განხორციელებას. საკვების შემადგენლობა, მისი თვისებები და რაოდენობა განსაზღვრავს ფიზიკურ ზრდა-განვითარებას, შრომისუნარიანობას, დაავადებათა სიხშირეს, ნერვულ-ფსიქიკურ მდგომარეობას, სიცოცხლის ხანგრძლივობას.

საკვებიდან საკმაო რაოდენობით უნდა მივიღოთ ისეთი აუცილებელი ნივთიერებები, როგორებიცაა: ცილები, ცხიმები, ნახშირწყლები, ვიტამინები, მიკროელემენტები, მინერალური ნივთიერებები… ოღონდ, საკმარისად და არა – გადაჭარბებულად, ასევე – სწორი პროპორციით.

ისიც უნდა ითქვას, რომ არსებობს რაციონალური კვების არაერთი თეორია. მათი რაოდენობა ბოლო დროს ისე გაიზარდა, როგორც ნაწვიმარზე ამოსული სოკოები. მათ აუცილებლად განვიხილავთ და გავაანალიზებთ საიტის სხვა განყოფილებებში. ძირითად მიზნად სწორი კვების პრობლემის გადაჭრას ვისახავთ. საიტის ამ განყოფილებაში დეტალურად აღვწერთ, თუ შეიძლება ასე ითქვას, ტრადიციულ, კლასიკურ ხედვას სწორი და ჯანსაღი კვების შესახებ.

მაშ ასე, გთავაზობთ კვების ძირითად წესებს:

1. კვების სწორი რეჟიმის დაცვა: ოპტიმალურად ითვლება საკვების ოთხჯერადი მიღება, 4-5 საათიანი ინტერვალით, ერთსა და იმავე დროს. ამასთან, საუზმე უნდა შეადგენდეს სადღეღამისო რაციონის 25%-ს, სადილი – 35%-ს, სამხარი – 15%-ს, ხოლო ვახშამი – 25%-ს. ვახშამი რეკომენდებულია დაძინებამდე დაახლოებით 3 საათით ადრე.

2. რაციონის საკმარისი, მაგრამ არა გადაჭარბებული კალორიულობა: მიღებული კალორიების რაოდენობა უნდა ანაზღაურებდეს ადამიანის ენერგოდანახარჯებს (რაც, გარკვეულწილად, დამოკიდებულია ადამიანის სქესზე, ასაკსა და ცხოვრების სტილზე, ასევე – შრომის თავისებურებაზე). ჯანმრთელობისთვის მავნებელია როგორც დაბალი, ისე რაციონის გადაჭარბებული კალორიულობა.

3.კვების ძირითადი კომპონენტების (ცილები, ცხიმები, ნახშირწყლები) სწორი ურთიერთშეფარდება: ცილების, ცხიმებისა და ნახშირწყლების შეფარდება, საშუალო დატვირთვისას, შეადგენს: 1:1:4, დიდი ფიზიკური დატვირთვისას – 1:1:5, ხოლო გონებრივი შრომის დროს – 1:0,8:3.

4.უნდა დაკმაყოფილდეს ორგანიზმის მოთხოვნილება ძირითად საკვებ ნივთიერებებზე (პირველ რიგში – შეუცვლელ ამინომჟავებზე, ცხიმოვან მჟავებზე, ვიტამინებზე, მიკროელემენტებზე, მინერალურ ნივთიერებებზე, წყალზე); საჭიროა მათი სწორი შეფარდების უზრუნველყოფა.

5.დაიცავით ზომიერება : უმჯობესია ჭამოთ ცოტა და სასარგებლო საკვები, ვიდრე ბევრი დაუსარგებლო. მაგალითად, უკეთესია მიირთვათ ახალი თევზის ერთი ნაჭერი ვიდრედაკონსერვებული ხორცი ან კარტოფილი.

6.უმჯობესია პროდუქტები მოხარშოთ ორთქლზე, ვიდრე ზეთში შეწვათ, რადგან შეწვისასგამომუშავდება კანცეროგენები და ქრება ვიტამინები და მიკროელემენტები.

7.ჭამეთ მხოლოდ დაღერღილი ხორბლის პური.

8.საჭმელი უნდა მიიღოთ არანაკლებ 4 საათში ერთხელ.

9.მიიღეთ ბევრი სითხე.უშაქრო ჩაი, წყალი, უშაქროდ მოხარშული კომპოტები და არაკონსერვანტებით გაჯერებული ხელოვნური და შეფერადებული გაზიანი წყლები.

10.არ ჭამოთ გვიან ღამით (არა უგვიანეს 7 საათისა).

11. საკვებად გამოიყენეთ მხოლოდ ახალი პროდუქტი _ ბოსტნეული, ხილი, კენკრა, ახალი თევზი,ხორცი თაფლი, მარცვლეული და არა ქარხნული წესით დამზადებული ძეხვეული, კონსერვები,ფარში, ყველი, საკონდიტრო ნაწარმი, მაიონეზი, კეჩუბი.

წყარო: http://www.medgeo.net/2009/12/05/feeding/
http://kveba.ge/cutenews/show_news.php?subaction=showfull&id=1269101435&archive=&template=

ზღვის ნობათი

კიბორჩხალა,კრევეტი და ზღვის სხვა  ნობათი გაგიმაგრებთ ჯანმრთელობას. ზღვის პროდუქტები - seafood-ი ძალიან სასარგებლოა ბევრი ორგანოსა და იმუნეტისთვის.ისინი მდიდარია ადვილად ასათვისებელია ცილები და ცხიმოვანი მჟავებით, მიკრო და მაკროელემენტებით;ხორცზე გაცილებით ნოყიერია, ხელს უშლის ზედმეტი ცხიმის დაგროვებას, მათ უმრავლესობას სამკურნალო თვისებებიც კი აქვს.

კიბორჩხალა- ზრდის იმუნიმეტს თუთიისა და რკინის მაღალი შემცველობით.ასე რომ, ესდელიკატესი დაგეხმარებათ ადვილად გაუმკლავდეთ ინფექციებს. ცხიმოვანი მჟავები, რომლითაც მდიდარია კიბორჩხალა, რგებს გულ-სისხლძარღვთა სისტემით დაავადებულებს.

ლანგუსტი- დაბალკალორიულია. 100გ.შეიცავს მხოლოდ 90-კალ-ს, 17 გ. ცილას, 2გ. ცხიმს. მასში არის დიდი რაოდენობით ფოსფორი და ააქტიურებს ტვინის მუშაობას. 100გ. ლანგუსტი საკმარისია კალციუმის დღეღამური მოოთხოვნილების 10%-ის, მაგნიუმის - 20%-ის,რკინისა და იოდის 30%-ის დასაკმაყოფილებლად.

კრევეტი- შესანიშნავია სტრესის წინააღმდეგ.ის პრაქტიკულად არ შეიცავს შაქარს და ცხიმს, თუმცა ცილის მაღალი შემცველობის წყალობით შიმშილის გრძნობას კლავს. მასში უხვადაა B12 ვიტამინი, რომელიც აუცილებელია სისხლის წითელი ბურთულაკების გამოსამუშავებლად და ნერვული სისტემისთვის.

ზღვის ლოკოკინა- ორგანიზმს ეხმარება სტრესთან ბრძოლაში. ეს არის მაგნიუმისა და B6 ვიტამინის საუკეთესო წყარო. 

მიდია- შეიცავს ცოტა ცხიმს და ბევრ E მიტამინს-100გ-ში 25%-ია, რაც დღეღამური ნორმაა. ამის წყალობით მიდია ბუნებრივ ანტიოქსიდანტად ითვლება.

ომარი- უნდა მიირთვათ შემოდგომა-ზამთარში ორგანიზმის ინფექციისგან დასაცავად, ხოლო წლის სხვა პერიოდში ახალგახრდობის გასახანგრძლივლებლად. ომარი შეიცავს ბევრ ცილისა და მიკროელემენტებს, თუთიას, რკინას და კალიუმს (დიდი რაოდენობით არის მის კისერში).

წყარო: http://kveba.ge/
http://kveba.ge/cutenews/show_news.php?subaction=showfull&id=1326464058&archive=&template=

ყველაზე სასარგებლო ხილი

ავსტრალიელმა მეცნიერებმა მრავალწლიანი გამოკვლევების შემდეგ ყველაზე სასარგებლო ხილი გამოარჩიეს. სპეციალისტების თქმით, სამუშაო პროცესში ადამიანის ორგანიზმზე ყველაზე დადებით გავლენას ვაშლი ახდენს - მასში შემავალი მძლავრი ანტიოქსიდანტების წყალობით. გარდა ამისა, ვაშლი დიდი რაოდენობით შეიცავს ვიტამინებსა და სასარგებლო ნივთიერებებს, რომლებიც ამცირებს სიმსივნისა და გულ-სისხლძარღვთა დაავადებების განვითარების რისკს.

მეცნიერებმა ასევე გაარკვიეს, რომ ერთი ვაშლი 1,5-ჯერ მეტ ანტიოქსიდანტს შეიცავს, ვიდრე სამი ფორთოხალი ან რვა ბანანი. სპეციალისტები დღეში 2-3 ჭიქა ვაშლის წვენის ან 2-4 ცალი ვაშლის მირთმევას გვირჩევენ. მასში შემავალი ფენოლები ამცირებს სისხლში "ცუდი" ქოლესტერინის დონეს. ადრე ამერიკელმა მეცენიერებმა დაადგინეს, რომ მუშაობისას ვაშლის წვენის მიღება მეხსიერებას აუმჯობესებს. 

ჰოლანდიელი და შოტლანდიელი მეცნიერების მიერ ჩატარებული კვლევების შედეგების მიხედვით, რომელიც წარმოდგენილია ჟურნალში Thorax, ბავშვები, რომელთა დედები ორსულობისას ღებულობდნენ ვაშლს, გაცილებით ნაკლებად ავადდებიან ასთმით.

კვლევებში, რომელშიც მონაწილეობდა 2000 ქალი, შეისწავლეს დედის დიეტის გავლენა ბავშვების სასუნთქი გზების განვითარებაზე და მდგომარეობაზე, დაბადებიდან 5 წლის შემდეგ.
მეცნიერებმა აღნიშნეს, რომ ქალებს, რომლებიც ორსულობისას ვაშლისადმი განსაკუთრებული სიყვარულით გამოირჩევიან, ნაკლებად ჰყავთ ქოშინით ან ასთმით დაავადებული შვილები.
სხვა არც ერთი პროდუქტი (ჯანსაღი კვების) არ აღმოჩნდა ასეთი ეფექტური სასუნთქი   გზებისათვის, როგორც ვაშლი.
ნაყოფის იმუნურ სისტემაზე ვაშლის ამგვარი ეფექტი გამოწვეულია მათში ფლავინოიდების მაღალი შემცველობით.

წყარო: http://mzareuli.ucoz.com

http://mzareuli.ucoz.com/blog/2010-04-19-118

http://mzareuli.ucoz.com/blog/2010-04-19-116